ԱՎԱՐՏՎԵՑԻՆ ՙԼԱՎԱԳՈՒՅՆ ՄԱՐԶԱԿԱՆ ԸՆՏԱՆԻՔ՚ ՄՐՑՈՒՅԹԻ ՄԱՐԶԱՅԻՆ ՓՈՒԼԻ ՄՐՑՈՒՄՆԵՐԸ

Գեղարքունիքի մարզպետարանում ամփոփ-վեցին Լճաշեն համայնքի մարզադաշտում հունիսի  25-27-ը ընկած ժամանակահատվածում անցկացված ՀՀ նախագահի մրցանակի համար ՙԼավագույն մարզական ընտանիք՚ մրցույթի մարզային փուլի մրցումների արդյունքները:

Ինչպես տեղեկացանք Գեղարքունիքի մարզպետարանի աշխատակազմի  ԿՄՍ վարչության առաջատար մասնագետ Ալեքսան Առաքելյանից, մրցումներն անցկացվեցին երեք տարիքային խմբերում:

Առաջին տարիքային խմբի մեջ մտնում էին 2003 թվականից մինչեւ 2005 թվականը ծնված երեխա ունեցող ընտանիքի հայրը, մայրը եւ մեկ երեխան: Երկրորդ տարիքային խմբում հանդես էին գալիս 2000 թվականից մինչեւ 2002 թվականը ծնված երեխա ունեցող ընտանիքները, իսկ երրորդ տարիքային խմբում`1997 թվականից մինչեւ 1999 թվականը ծնված երեխա ունեցող ընտանիքները:

 ՀՀ նախագահի մրցանակի համար ՙԼավագույն մարզական ընտանիք՚ մրցույթի տարածքային եւ մարզային փուլերի մրցումներին մասնակցեց  93 ընտանիք: 

 Վերջին երեք օրվա անզիջում պայքարի արդյունքում պարզ դարձավ երեք տարիքային խմբերում 1-ին, 2-րդ եւ 3-րդ տեղեր գրաված ընտանիքների անունները: 

Առաջին տարիքային խմբում 1-ին, 2-րդ եւ 3-րդ տեղեր գրավեցին Ճամբարակից  Խաչիկ Դանիելյանի, Սամվել Ուլումյանի եւ Գավառից Սամվել Գրիգորյանի ընտանիքները:

 Երկրորդ տարիքային խմբում հաղթողներ ճանաչվեցին Գավառից Հակոբ Գասպարյանի, Ճամբարակից Արմեն Դանիելյանի, Սեւանից Գեւորգ Գեւորգյանի ընտանիքները: Երրորդ տարիքային խմբում 1-ին տեղը զբաղեցրեց Սեւանից Վարուժան Գեւորգյանի, 2-րդ տեղը` Վարդենիսից Մանվել Մկրտչյանի եւ 3-րդ տեղը` Գավառից Կարո Սիրունյանի ընտանիքները:

Հաղթող ընտանիքները կմասնակցեն հուլիսի 24-29-ին Ծաղկաձորում կայանալիք եզրափակիչ փուլի մրցումներին: 

Հասմիկ Գրիգորյան

Posted in: ԱՎԱՐՏՎԵՑԻՆ ՙԼԱՎԱԳՈՒՅՆ ՄԱՐԶԱԿԱՆ ԸՆՏԱՆԻՔ՚ ՄՐՑՈՒՅԹԻ ՄԱՐԶԱՅԻՆ ՓՈՒԼԻ ՄՐՑՈՒՄՆԵՐԸ