Գավառ քաղաքի բնակիչներ Գրիշա Շանոյանի, նրա կին Նաիրա Գեւորգյանի եւ դուստր` մեկուկես տարեկան Հռիփսիմեի մահվան պատճառը շմոլ գազի արտահոսքն է: <<Գեղամա աշխարհի>> գլխավոր խմբագիր Խ. Խլղաթյանին տեղեկացրել է «Գավառի բժշկական կենտրոն» ՊՓԲԸ տնօրեն Աշոտ Կարապետյանը: ՀՀ արտակարգ իրավիճակների նախարարության Գեղարքունիքի մարզի փրկարար ծառայության նախնական տեղեկությունների համաձայն` շմոլ գազը բնակարան է արտահոսել գազի ջրատաքացուցիչի ծխնելույզից, որը ելք է ունեցել ոչ թե դեպի դուրս` բաց օդ, այլ` դեպի չօգտագործվող սենյակ, եւ տարածվել բնակարանով մեկ: Հարազատների եւ հարեւանների վկայությամբ ողբերգությունը տեղի է ունեցել դեկտեմբերի 14-ի գիշերը: Փաստի առթիվ ՀՀ ոստիկանության Գավառի բաժանմունքում հարուցվել է քրեական գործ, կատարվում է նախաքննություն:
0 comments:
Отправить комментарий