Հուլիսի 3-ին վարչապետ Տիգրան Սարգսյանն աշխատանքային այց կատարեց Գեղարքունիքի մարզում: Կառավարության ղեկավարը նախ եղավ Լճաշեն համայնքում, ծանոթացավ Սեւանը Գավառի հետ կապող ճանապարհի վերականգնողական աշխատանքների ընթացքին:
Այնուհետեւ վարչապետն այցելեց Սեւան քաղաքի պոլիկլինիկա, որտեղ նույնպես ընթանում են վերականգնողական աշխատանքներ:
Սեւանի պոլիկլինիկայի շենքը կառուցվել է 1949 թվականին: Շենքի վերանորոգման ծրագիրն իրականացվում է երկու փուլով: Առաջին փուլում կատարվել է շենքի հիմնանորոգում, կառույցի վերակառուցում՝ վերահատակագծումով: Կատարված աշխատանքների արժեքը կազմել է շուրջ 108.3 միլիոն դրամ: Երկրորդ փուլում նախատեսվում է իրականացնել պոլիկլինիկայի շենքի հարդարում, հատակների, սանհանգույցների եւ ներքին ինժեներական ցանցերի վերակառուցում, հակահրդեհային ազդանշանային համակարգի տեղադրում, շենքի ճակատային մասերի սվաղում եւ ներկում: Այդ աշխատանքների համար նախատեսված է շուրջ 80.8 միլիոն դրամ:Վարչապետն այցելեց նաեւ Սեւան քաղաքի ավագ դպրոց, որը վերականգնման կարիք ունի: Գործադիրի ղեկավարը հանձնարարեց այս տարվա ընթացքում իրականացնել անհրաժեշտ նախահաշվարկային աշխատանքները:
0 comments:
Отправить комментарий