2011 թվականի ոռոգման շրջանի աշխատանքների մեկնարկի հետ կապված' Գեղարքունիքի մարզի երեք' «Գավառ», «Մարտունի» եւ «Վարդենիս» ջրօգտագործողների ընկերությունները հիմնականում պատրաստ են ոռոգման ջուր մատակարարելու ջրօգտագործողներին:
Ինչպես տեղեկացրեց մարզպետարանի աշխատակազմի գյուղատնտեսության եւ բնապահպանության վարչության գյուղատնտեսության բաժնի առաջատար մասնագետ Ա. Ջրաղացպանյանը, «Գավառ» ՋՕԸ-ի աշխատանքները նորմալ ընթացքի մեջ են:
Պայմանագրեր են կնքվել 550 շահառուների հետ, որոնց թիվը մինչեւ հուլիսի վերջը կհասցվի 5 հազարի, եւ նախատեսվում է ոռոգել 450-500 հեկտար հողատարածք:
Պայմանագրեր են կնքվել 550 շահառուների հետ, որոնց թիվը մինչեւ հուլիսի վերջը կհասցվի 5 հազարի, եւ նախատեսվում է ոռոգել 450-500 հեկտար հողատարածք:
2010 թվականին մատակարար ոռոգման ջրի դիմաց ընկերությունը պարտք չունի: Այս տարի նախատեսվում է պոմպակայան կառուցել Գավառ քաղաքի Արծվաքար թաղամասում եւ վերանորոգել Հացառատ թաղամասի ոռոգման ցանցը' շուրջ 700 մետր երկարությամբ, որի շնորհիվ ոռոգելի հողատարածությունը կավելանա 30 հեկտարով:
«Մարտունի» ՋՕԸ-ում կան որոշակի խնդիրներ, որոնք ընթացքում լուծելի են, սակայն հիմնական խնդիրը Երանոսի եւ Աստղաձորի պոմպակայանների տեղափոխության խնդիրն է' կապված Սեւանա լճի բարձրացման հետ: Ներկայում ընկերությունը պայմանագիր է կնքել մոտ 1000 շահառուների հետ: 2011թ. նախատեսվում է ոռոգել 1690 հեկտար հողատարածք: Իսկ 2010 թվականին Զոլաքարի եւ Մարտունու պոմպակայանների վերակառուցման շնորհիվ 2011 թ. ոռոգելի հողատարածություններն ավելացել են 830 հեկտարով:
«Վարդենիս» ՋՕԸ-ը պայմանագիր է կնքել մոտ 600 շահառուների հետ, որն ընթացքի մեջ է: Այս տարի նախատեսված է ոռոգել 1600 հեկտար հողատարածք: Նախորդ տարում կառուցված Մասրիկի ջրանցքի շնորհիվ ոռոգելի հողատարածությունները 2011 թվականին ավելացել են 400 հեկտարով:
Մարզպետարանի աշխատակազմի գյուղատնտեսության եւ բնապահպանության վարչությունից հավաստիացրեցին, որ մարզի մյուս ջրօգտագործողների ընկերություններում առկա խնդիրները ժամանակի ընթացքում կստանան իրենց լուծումները:
Հասմիկ Գրիգորյան
0 comments:
Отправить комментарий