Մայիսի 4-ին տեղի ունեցավ Գավառի պետական համալսարանի խորհրդի նիստ: Նիստի օրակարգում ընդգրկված էին Գավառի պետական համալսարանի ռեկտորի ընտրության, համալսարանի զարգացման եւ բարեփոխման հայեցակարգի, ինչպես նաեւ հակակոռուպցիոն ռազմավարական ծրագրի քննարկման եւ հաստատման հարցերը:
Խորհրդի 24 անդամներից նիստին մասնակցեցին 21-ը: Ինչպես <<Գեղամա աշխարհին>>-ին տեղեկացրեց ԳՊՀ լրատվության եւ հասարանակայնության հետ կապերի բաժնի վարիչ Պապին Մուրադյանը, ԳՊՀ ռեկտորի պաշտոնում առաջադրված միակ թեկնածուն եղել է ԳՊՀ գործող ռեկտոր Ռուզաննա Հակոբյանը:
Փակ, գաղտնի քվեարկության արդյունքում միաձայն Գավառի պետական համալսարանի ռեկտոր ընտրվեց Ռուզաննա Խաչիկի Հակոբյանը: Ի դեպ, Ռուզաննա Հակոբյանը ռեկտորի պաշտոնում վերընտրվում է արդեն երկրորդ անգամ: ԳՊՀ խորհուրդը նիստի ընթացքում հաստատեց Գավառի պետական համալսարանի զարգացման եւ բարեփոխման հայեցակարգը, հակակոռուպցիոն ռազմավարական ծրագիրը:
2 comments:
ԳՊՀ համար հնարավոր լավագույն ղեկավարն է)))))))))
Համամիտ եմ քեզ հետ ԱԼֆա ջան
Отправить комментарий