-Արվեստը բացահայտում է մարդու ներաշխարհը, կերպարվեստը արվեստի այն ճյուղն է, որի միջոցով արվեստի անհատականությունը յուրովի է դրսեւորվում: Ուստի խմբի նպատակն է ի հայտ բերել այն երիտասարդ նկարիչներին, ովքեր արվեստի բնագավառում իրենց ասելիքն ունեն,- ասում է հեղինակը:
Ցուցահանդեսի կազմակերպման, իրականացման գործում նկարիչների խմբին աջակցել է <<Մարտունու կանանց համայնքային խորհուրդ>> հասարակական կազմակերպությունը: Ինչպես տեղեկացրեց Մարտունի քաղաքի պատկերասրահի տնօրեն Անահիտ Գեւորգյանը՝ ցուցահանդեսում ներկայացվեցին ութ երիտասարդ նկարիչների գունանկարները, գեղանկարները, գծանկարները եւ յուղանկարները, որոնք ունեին տարբեր թեմատիկա:
Ցուցահանդեսն ուղեկցվեց նաեւ միջոցառմամբ, որը իրենց մասնակցությամբ զարդարեցին Մարտունի քաղաքի երեք եւ Ներքին Գետաշենի դպրոցների աշակերտները: Թերեզա Գրիգորյանի կատարմամբ հնչեց Կոմիտասի <<Կռունկը>>: Այցելուները հիմնականում Մարտունու տարածաշրջանի հասարակությունն էր: <<Այս ցուրտ եղանակին, մեր հոգիները ջերմացան>>,- գոհունակությամբ ասում էին նրանք:
Հասմիկ Գրիգորյան
0 comments:
Отправить комментарий