ՆԺԴԵՀՅԱՆ ԴԱՍԱԺԱՄ՝ ԳԱՎԱՌԻ ԱՎԱԳ ԴՊՐՈՑՈՒՄ

ԱՊԱԳԱՆ ՎՏԱՆԳՎԱԾ ԺՈՂՈՎՐԴԻ ՄԻԱԿ ՓՐԿՈՒԹՅՈՒՆԸ ՎԵՐԱԴԱՍՏԻԱՐԱԿՈՒԹՅՈՒՆՆ Է: 

Գ. ՆԺԴԵՀ

 Օրերս Գավառի ավագ դպրոցում պատմության ոսուցչուհի Ամայլա Զոլյանի ղեկավարմամբ դպրոցի իրավաբանական հոսքի 10-րդ դասարանում օրվա վերջին դասաժամը նվիրել էր հայ ազատագրական պայքարի հերոս Գարեգին Նժդեհին՝ այն վերածելով հայրենիքի հավիտենական եւ ցեղային արժեքների քննարկման դասի:
Դասարանի աշակերտները հանդես եկան Նժդեհյան ընթերցումներով: Էկրանի վրա արտացոլվում էին Նժդեհյան գաղափարներն ու մտքերը, որոնք քարոզում էին հայրենասիրություն, միաբանություն եւ ցեղակրոնություն, ինչպես նաեւ բնության հավիտենական օրենքների իմացություն:  

 Մասնակիցները չզգացին, թե ինչպես գեղեցիկ ու հագեցած միջոցառումը մեկ դասաժամից ձգվեց երկու ժամ՝ ուղեկցվելով բուռն քննարկումներով ու մեջբերումներով:

 Ուրախալի էր, որ միջոցառման մասնակից բոլոր աշակերտները բերանացի գիտեին Նժդեհի տասնյակ մտքերը՝ անգիր զետեղելով ոչ միայն իրենց հիշողության մեջ, այլեւ գիտակցելով դրանց կենսական ու գաղափարական արժեքները:

Դասաժամի բոլոր մասնակիցները հեռացան հոգեկան մեծ բավականություն ստացած: 

Posted in: ՆԺԴԵՀՅԱՆ ԴԱՍԱԺԱՄ՝ ԳԱՎԱՌԻ ԱՎԱԳ ԴՊՐՈՑՈՒՄ