ՁԵՐ ԳՈՎԱԶԴՆ ԱՅՍՏԵՂ

330x100 (3000-5000 դրամ)

вторник, 24 января 2012 г.

ՊԵՏԱԿԱՆ ՊԱՐԳԵՎՆԵՐ ԵՎ ՊԱՏՎՈԳՐԵՐ ՍՏԱՑԱՆ ԳԵՂԱՐՔՈՒՆԻՔԻ ՄԱՐԶԻ ՀԱՆՐԱԿՐԹԱԿԱՆ ԴՊՐՈՑՆԵՐԻ ՄԻ ԽՈՒՄԲ ՄԱՆԿԱՎԱՐԺՆԵՐ


Հունվարի 23-ին Գեղարքունիքի մարզպետ Նվեր Պողոսյանը պետական պարգեւներ եւ պատվոգրեր հանձնեց Գեղարքունիքի մարզի հանրակրթական դպրոցների առավել աչքի ընկած մանկավարժներին: Ռազմահայրենասիրական դաստիարակության ոլորտում ցուցաբերած լավագույն աշխատանքի համար ՀՀ պաշտպանության նախարարի կողմից <<Վազգեն Սարգսյան>> հուշամեդալով պարգեւատրվեց  Լճավանի միջնակարգ դպրոցի տնօրեն Նորիկ Գեւորգյանը, <<Գարեգին Նժդեհ>> հուշամեդալով` Վ. Գետաշենի թիվ 1 միջնակարգ դպրոցի պատմության ուսուցիչ Վաչագան Սարիբեկյանը, ՀՀ պաշտպանության նախարարի պատվոգրով` Խաչաղբյուրի միջնակարգ դպրոցի զինղեկ Էդուարդ Պետրոսյանը, արժեքավոր ժամացույցով` Լանջաղբյուրի միջնակարգ դպրոցի զինղեկ, Գավառի տարածաշրջանի ավագ զինղեկ Նովլետ Կարապետյանը, <<Ծովակալ Իսակովի>> մեդալով` Զոլաքարի թիվ 2 միջնակարգ դպրոցի զինղեկ Աշոտ Ֆրղոյանը: ՀՀ սպորտի եւ երիտասարդության հարցերի նախարարի շնորհալագրին են արժանացել Լանջաղբյուրի միջնակարգ դպրոցի ֆիզկուլտուրայի ուսուցիչ Արտակ Նալբանդյանը եւ Ճամբարակի թիվ 1 հիմնական դպրոցի ֆիզկուլտուրայի ուսուցիչ Ալեքսանդր Ղազարյանը: Պարգեւների հանձմնան արարողությունից հետո մարզպետ Նվեր Պողոսյանը շնորհակալություն հայտնեց պարգեւի արժանացած ուսուցիչներին` իրենց կատարած նվիրական եւ արդյունավետ աշխատանքի համար եւ կոչ արեց էլ ավելի բարձր տրամադրությամբ մատաղ սերնդի մոտ արմատավորել ռազմահայրենասիրական ոգին: Պարգեւատրվածներն իրենց հերթին նշեցին, որ իրենց համար մեծ պատիվ է` ծառայել Հայաստանի Հանրապետությանը եւ մատաղ սերնդի ռազմահայրենասիրական դաստիարակության ազգօգուտ գործին:

0 comments:

Отправить комментарий

Share

Twitter Delicious Facebook Digg Stumbleupon Favorites More